بيحصل فى كل بيت

طبعا كل واحد منا بيسمع كلام من ابوة وامة ودا اشهر كلام بيقولة الاب والام اليومين دول مش علشان حاجة علشان هما خايفين علينا طبعا هما مفكرين كدا واحنا طبعا اوبزى اوبزى ومنفضين على الاخر

نيجى بقة نشوف الكلام الى بيقوله معظم الامهات والاباء

انت جيت يامنيل
هو طول النهار قدام الزفت الكمبيوتر مش ممكن كده الله يحرق الكمبيوتر والى اخترعوة
ما تلزقش في التلفزيون كده .. نظرك هيضيع .
يا ابني محدش هينفعك .
قصة الغريق الكاذب اللي كل مره يقول الحقوني ... لحد
ما غرق بجد .
ربنا يرزقك بعيل يوريك اللي ورتهوني .
امشى جاتك مشش فى ركبك.
ابوك دايما كان بيطلع الاول على الفصل .
والله ما انت فالح .. وادي دقني أهه
وانت فاكر احنا مستنيين منك حاجه .
المسلسل مش هينفعك ...قوم .
ما تقعدش قدام المروحه وانت مستحمي .
كفايه رغي في التليفونات .
بلاش وقفة الشبابيك و البلكونات .
كل على مهلك .. وامضغ كويس ... وما تكلش وانت واقف .. وكل من قدامك ما تحفش .
اطفي التلفزيون وقوم ذاكر . أو اطفي التلفزيون و خش اوضتك .
ربنا يهديك ربنا يهديك ... وأحيانا .. انك لا تهدي من أحببت .
صليت العصر ؟!
ما تمشيش حافي في السقعة دي
ما فيش مذاكرة على المزيكا وازاى.. بتذاكر و البتاع ده شغال جنبك .
افرد ظهرك .
ماتكلش فى ضوفرك.
كنت فين لحد دلوقتى يا صايع.
انا مش عارف انته طالع لمين.
ما تتأخرش بعد المدرسه و تقعد تصيع مع أصحابك .
بص كويس و انت بتعدي الشارع .
ومالها الكتب بتاعة الوزاره ؟!
اللي بيشيل قربه مخرومة بتخر عليه لوحده ..
لو مش فاهم حاجه ارفع ايدك و قول للأستاذ مش فاهم .. متتكسفش .
يأبنى المذاكره مابتخلص .
ما تردش عليا .
متعليش صوتك ياواد
مش عايز اسمع صوت
مفيش حاجة هتضيعك غير لعب الكورة
ودى دقنى اة ان نفعت
اوعى يواد حد يديك سيجارة وتشربه اوعى تخدها منة
ياريتك تحفظ الكتاب زى ما بتحفظ الاغانى
ياحبيبى قوم الفلم دة مش هينفعك

.................................................. .........

بس تقول اية وتعيد هو الى فى دماغك فى دماغك بس انت بتريحهم وتقول طيب حاضر